گنجینه نوای قاسمی
درباره سایت
آخرین مطالب
امکانات وب
u200d 1 به 1 1 1 1 (ع)
تپراقون عالمده هر درده دوادور کربلا
دیده ی اهل جهانه توتیا دور کربلا
سنده اجلال نزول ایلر مجلل کاروان
بو مجلل کارواندا وار مطوّل داستان
تپراقوندا دفن اولار یتمیش ایکی پیر و جوان
هر بیری بیر گوهر کنز وفادور کربلا
کاروانیمدا اگرچه یوزدن آز دردانه وار
گنج عشقیمده ولی مینلر در شاهانه وار
بزمگاهیمدا صفا وار شمع وار پروانه وار
محفلیم عشق اهلینه دارالصّفادور کربلا
بیر همایون پیکری که جسم و جانیمدور منیم
میوه ی شیرین باغ زندگانیمدور منیم
گوزلریم نوری چراغ دودمانیمدور منیم
آدی اکبر دور شبیه مصطفادور کربلا
بو حسینون حضرت خاتم کیمی استادی وار
دوره سینده یار و انصاری رشید اولادی وار
قاسم شهزاده ی آزاده تک دامادی وار
کیم جمالی عکس حُسن مجتبا دور کربلا
ماسوا فرمان حقّیله ، اسیریمدور منیم
بیر خدیو ملک عشقم قان سریریمدور منیم
فاطمه ام البنین اوغلی وزیریمدور منیم
لشگریم یتمیش نفر تشنه فدادور کربلا
بیر مجاهد قانی خاک اطیبون الوان ائدر
دین اسلامه کسیلمیش اللرین قربان ائدر
هر دواسیز درده عبّاسین الى درمان ائدر
چاره سیزلر چاره سی صاحب لوادور کربلا
اهل عشقین عشقیله هر لحظه سوز و سازی وار
کیم گئچه باشدان اونون بیر رتبۀ ممتازی وار
لشگر عشق حسینون صودامر سربازی وار
آدی اصغر شأنی اکبر مه لقادور کربلا
سنده تأسیس ایلرم احراره وحدت مکتبی
سندن اوزگه کسب ائدنمز بو مقام و منصبی
ایلرم بیر ائله مکتبده مربّی زینبی
فرد لایق دختر خیرالنّسادور کربلا
شاه عشقین تخت و تاجی اولماسا تاراج عشق
لخته قاندان باشینه قویماز بیر ئوزگه تاج عشق
رفرف عشقیله سنده ایلرم معراج عشق
عشق معراجیم سر نوک جدادور کربلا
خون من خون خدادور دست من دست خدا
من یدالله اوغلیام ای سرزمین کربلا
ساربان ایلر یداللهی اَلى ظلماً جدا
بند زر اوسته آخان خون خدادور کربلا
من ضعیفائه ملازم بی پناهانه پناه
کشور تجرید و تفریده یگانه پادشاه
خسرو ملک شهادت ایستمز سامان و جاه
بئله جاه و عزّته بی اعتنا دور کربلا
کشتی علم خدایه ناخدادور بو حسین
لنگر نُه فلک افلاک خدادور بو حسین
هر دواسیز درده درمان و دوادور بو حسین
اهل درده تربتی خاک شفادور کربلا
دوشمه بو فكره سنه بیر کاروان پوزقون گلور
یا که اشک چشم زینب یوزده چون جیحون گلور
اوچ یاشیندا بیر رقیّم وار گلور یورقون گلور
نه قولی مغلول نه قلبی یارادور کربلا
مدفنیم سنده اولار ششگوشه چون عرش برین
روضه ی مینو مثالیمدان گلر بو سس یقین
هذِه جنّاتُ عَدنٍ فَادخُلوها خالِدین
گلسه هر کیم نار دوزخدن رهادور کربلا
مرده ی معدومه وئرم لطفیمیله بیر حیات
زنده ی جاوید ، قهریمدور بو عالمده ممات
آلموشام عاصی خطا کار امّته حقدن برات
پور زهرا شافع روز جزادور کربلا
آلموسان دم «صالحا» بیر شاعر استادیدن
فکر عقبائیله اول گئچ بو خراب آبادیدن
بو سوزی ترک ائتمه هرگز خاطر ناشادیدن
تپراقون عالمده هر درده دوادور کربلا
******
صالح علی نژاد
برچسبها: صالح علی نژاد
برچسب:
نویسنده: شیوا زمانی